K.H. Abdurrohman Wahid

SYAIR GUS DUR

Syair K.H. Abdurrohman Wahid, menggetarkan jiwa. Saya menyaksikan seorang prempuan mendengarkan Syair Gus Dur ini, dia mendengarkan sambil bergumam lantas air mata keluar....
Berikut pujian atau Syair tersebut adaah sebagai berikut :

Ngawiti ingsun nglaras syingiran
Kelawan muji maring pengeran
Kang paring rohmat lan kanikmatan
Rino wengine tanpo pitungan
Duh bolo konco priyo wanito
Ojo mung ngaji syariat bloko
Gur pinter ndongeng nulis lan moco
Tembe mburine bakal sangsoro
Akeh kang apal Quran Haditse
Seneng ngafirke marang liyane
Kafire dewe dak digatekke
Yen isih kotor ati akale
Gampang kabujuk nafsu angkoro
Ing pepahese gebyare dunyo
Iri lan meri sugieh tonggo
Mulo atine peteng lan nisto
Ayuh sedulur jo nglaleake
Wajibe ngaji sa’pranatane
nggo ngandelake iman tauhide
Baguse sangu mulyo matine
Kang aran sholeh bagus atine
Kerono mapan sari ngelmune
Laku torikot lan ma’rifate
Ugo hakikot manjing rasane
Al Quran Qodim wahyu minulyo
Tanpo dinulis iso diwoco
Iku wejangan guru waskito
Den tancepake ing jero dodo
Kumandil ati lan pikiran
Ngrasuk ing badan kabeh jeroan
Mu’jizat rosul dadi pedoman
Minongko dalan manjinge iman
Kelawan Alloh kang moho suci
Butuh rangkulan rino lan wengi
Ditirakati diriyadlohi
Dzikir lan suluk jo nganti lali
Uripe ayem rumongso aman
Dununge roso tondo yen iman
Sabar narimo nadjan pas-pasan
Kabeh dinakdir saking pengeran
Kelawan konco dulur lan tonggo
kang Podo rukun ojo ngesio
Iku sunnaeh rosul kang mulyo
Nabi Muhammad panutan kito
Ayo ngelakoni sekabehane
Alloh kang bakal ngangkat drajate
Senadjan asor toto dzohire
Ananging mulyo makom drajate
Lamon palastro ing pungkasane
Ora kesasar roh lan sukmane
Den gadang Alloh suwargo manggone
Utuh mayite ugo ulese


Coba kita baca dan renungkan lalu praktekkan dengan seorang guru tentunya. Semoga menjadikan manfa'at bagi saya serta pembacanya, Amiiin!


http://www.youtube.com/watch?v=blkvJmDjAuQ
http://www.youtube.com/watch?v=aJqMS_5ncQY&feature=player_embedded